Gott og vont
Lífið heldur áfram, skólinn er byrjaður aftur og það heldur bara áfram að vera snjór og kallt. Það er margt til að vera spenntur yfir, ég hlakka til að fara til Íslands um páskana, ég fékk borgaðar aukabarnabæturnar þó að Þórður hafi gengi seint frá sínum málum, ég er spennt yfir því að græja íbúðina eftir mínu höfði, mér er boðið í partý eftir rúma viku osfr. Það er margt gott í gangi núna.
En svo á móti kemur leiðinlega stöffið. Það virðist engum hafa dottið í hug að fólk gæti verið skráð saman í sambúð á Íslandi, flutt út og síðan hætt saman erlendis – þannig að því fylgir leiðindar skriffinska – sem ég er að vinna mig hægt í gegnum. Lín virðist ætla að taka heila eilífð í að vinna úr láninu mínu og var ekki búið að borga út seinast þegar ég athugaði (í gær) og á meðan styrkist íslenska krónan og styrkist og ég gæti þess vegna endað í mínus. Og þar af leiðandi get ég hvorki borgað mömmu og pabba fyrir flugið heim né keypt nýja tölvu – og svo er tölvan sem ég ætlaði að kaupa orðin uppseld að mér sýnist (var nóg til af henni fyrir hálfum mánuði) og ég nenni ekki að leggjast aftur í rannsóknarvinnu og reyna að finna aðra góða (fyrir þolanlegt verð). Einnig lennti Þórður í einhverju íbúðarsvindli og tapaði fullt af peningum og stendur uppi með enga íbúð – sem er bæði leiðinlegt fyrir hann og ef ég horfi á málið á einstaklega sjálfselskan hátt (sem reyndar skiptir ekki öllu máli, mér finnst þetta líka ömurlegt hans vegna) þá hefur það þau áhrif að hugsanlega á hann erfiðara með að taka Hrafnkel (einsog td. þegar partýið er í næstu viku) en er ég þó búin að bjóða honum að vera hérna með strákinn því að ég á góða vini sem ég get fengið að vera hjá á meðan, og einnig að þá er örugglega lengra í að hann geti tekið draslið sitt og satt best að segja þá get ég ekki beðið eftir því þegar hann loksins tekur þetta.
Þar fyrir utan er ég að prjóna lopapeysu, sem ég vona að stækki í þvotti því að þrátt fyrir prjónfestuprufur og alles þá virðist hún vera frekar lítil – en hún verður gjöðveikt flott.
5 Comments
Other Links to this Post
RSS feed for comments on this post. TrackBack URI
By Hrafnhildur, February 9, 2010 @ 22:00
Djúpt andvarp með Lín….
Ves með íbúðarmáladæmið hjá Dodda….
og gaman að sjá hvernig peysan verður þegar þið komið heim um páskanna og það verðu tekið á því þegar þú kemur
By Elva, February 10, 2010 @ 15:42
Já, Lín er nú alltaf skemmtilegt og skamm fyrir að lifa ekki eftir handritinu!
Hræðilega leiðinlegt þetta íbúðarvesen hjá Dodda. Ekki gaman að vera hann þessa dagana.
Og enn og aftur; ég er næstum jafnánægð yfir að hafa ekki byrjað að prjóna og að hafa ekki byrjað að reykja!
By ella, February 11, 2010 @ 11:58
Þetta er greinilega allflest að potast í rétta átt og gott er nú það.
By ella, February 11, 2010 @ 12:00
Já, nema kannski peysustærðin
By Edda Rós, February 11, 2010 @ 13:16
Hurru ég held að peysustærðin eigi eftir að reddast, ég nefnilega passaði mig að hafa berustykkið ekki þröngt og svo þegar ég hekla breiðan kant þá verður þetta geggjað