Alltaf yndislegt að búa í útlöndum
Um daginn var yndislegt veður, einsog flesta aðra daga hérna síðan við komum heim frá Íslandi. Hrafnkell hafði sjálfur orð á því, stuttu eftir að við komum heim aftur, að allt væri svo breytt núna væru trén vöknum og búin að búa sér til laufblöð og svo væru komin blóm í öllum litum. Hann var mjög glaður með þetta allt þrátt fyrir að vera alveg tilbúinn að fara aftur til Íslands – núna er hann farinn að plana að taka Amiru og mömmu hennar með sér til Íslands, því að þær hafa aldrei áður farið til Íslands, en það er allt önnur saga.
Um daginn var yndislegt veður, flestir íbúar Solbakken (amk flestir íslendingarnir) voru úti í garði með börnin sín. Foreldrarnir lágu í hálfgerðu hitamóki og börnin léku sér. Eftir 1-2 tíma af hita, sól og íslendingaslúðir nennti ég ekki að hanga þarna lengur í aðgerðarleysi svo að ég fékk son minn til að koma með mér á halakörtuveiðar.
Við fórum í sokka og skó og lögðum svo af stað. Þegar við vorum komin að götunni sem liggur inn í kirkjugarðinn, að legsteinabúðinni, sáum við 2 unga menn við bíl, sem var lagt hinum megin við götuna. Þeir voru eitthvað undarlegir, frekar skuggalegir að mínu mati, svo að ég reyndi að sjá hvað þeir væru að gera (vitanlega reyndi ég samt að láta ekki bera mikið á þessari forvitni minni). Ég sá síðan greinilega hvernig þeir voru að græja sér sprautu… Ég fór þá að labba hraðar, mun hraðar, og nánast dró vesalings barnið inn í garðinn.
Inn í kirkjugarðinum fundum við einn poll sem iðaði af halakörtum svo að veiðarnar gengu frekar hratt fyrir sig. Svo héldum við heim með körturnar til að koma þeim fyrir í betri dollu. Á leiðinni heim sá ég svo hvar gaurarnir tveir voru búnir að koma sér fyrir á bekk, sem er í beint fyrir framan legsteinabúðina, og voru þar að græja sé vatnspípu. Ég veit svosem alveg að sumir reykja venjulegt tóbak í vatnspípum, ég veit líka að flestir reykja eitthvað annað í þeim. Ég var því fljót að ákveða að fara aðra leið (sem lá ekki framhjá þeim) til að komast heim.
Ég á rosalega erfitt með að ímynda mér að ég yrði vitni af svona hátterni heima á klakanum. Amk ekki ca 50 metra frá leikvelli fullum af börnum og foreldrum. Amk ekki fyrir utan höfuðborgina… held ég.
3 Comments
Other Links to this Post
RSS feed for comments on this post. TrackBack URI
By Inga litla, May 14, 2009 @ 23:22
Ekki gaman þetta..
En já, ég man alltaf eftir því að ég var með Birtu og Árna í laugardalnum á tjaldsvæðinu, og þar eru nokkur leiktæki, já eða rólur og sandkassi, og þar voru börnin að leika í goody feeling, þegar ég rak augun í sprautu sem var búið að hálfgrafa niður í sandkassann, eða já minnir mig, eftir þetta langar mig ekkert að fara aftur í almenningssvæði í Rvk. Finnst asnalegt að maður þurfi að skoða svona tæki áður en maður leyfir börnunum að leika sér.. En já, allavegana varð ég pínu pirruð, og fór og tilkynnti þetta í afgreiðslunni (datt ekki í hug að taka hana sjálf) og hún fór ekki strax í málið, heldur sagði að þessu yrði bjargað, mig minnir að nokkrum klukkutímum síðar hafi ég séð þessa sömu manneskju með poka að reyna að finna þetta.. Í staðinn fyrir að ég hefði farið með henni og sýnt henni nákvæmlega hvar þetta var strax!!
En já, þetta er sem betur fer ekki algengt hér..
En það er líka búið að vera frekar heitt hér, en ömurlegt rok alla daga..
Væri til í 18 stiga hita eins og í dag, og nánast logn..
EN já komin nógu löng ræða.
Kærar kveðjur
By Elva, May 15, 2009 @ 01:16
Svakalega lýst mér á ykkur núna.
Froskarnir mínir mæla með Rucola (eða hvernig sem það er skrifað) frosnu og niðurklipptu á meðan körtunar eru ekki með lappir. Þegar lappirnar eru komar, eitthvað kjötkyns td þurrkaða blóðorma eða fiskafóður. Um leið og framlappir birtast er ekki litið við neinu sem hreyfir sig ekki
By Hrafnhildur, May 24, 2009 @ 17:12
Já þetta er frekar viðurstyggilegt. Þetta lið dútlar hér og þar við þessa yðju sína. Það er ekki voðalega langt síðan að svona lið var að koma heima, keyra gamla vegin í hvarf og sprautast og fleira í hvarfi frá bænum og skiljandi þetta drasl eftir. Pabbi fann alveg fullt af þessu djönki. Ég er reyndar svo saklaus að svona lagað fer yfirleitt alveg fram hjá mér fyrir utan skiptið sem við vorum fyrir sunnan og gaurinn á wc bauð mér í nös með sér og þegar ég bjó í Glasgow og Craig og félagar reyktu annað slagið en mér finnst þetta alger vibbi.